Politik konfidansyalite

Vèsyon 2026-10-bouyon

Tèks sa a disponib an kreyòl sèlman pou kounye a.

1. Kiyès ki responsab done yo

• Done anplwaye ak kandida yon biznis: se biznis sa a ki deside kisa li kolekte e poukisa. KONMBIT trete done sa yo pou biznis la, dapre enstriksyon l.
• Done kont administratè yo, kont kandida yo, ak done teknik (koneksyon, sekirite): se [NON LEGAL ANTREPRIZ LA] ki responsab yo.

[AVOKA: ki tèks lalwa ayisyen ki aplike pou pwoteksyon done pèsonèl, e si nou swiv RGPD Ewopeyen an kòm referans.]

2. Ki done nou trete

• Idantite ak kontak: non, imel, telefòn, adrès, dat nesans, moun pou rele an ijans, foto pwofil.
• Travay: pozisyon, depatman, manadjè, dat anbochaj, kalite kontra.
• Salè ak peman: salè, fich peye, retni, avans, kont labank, nimewo MonCash/NatCash.
• Idantifyan ofisyèl: NIF / CIN.
• Tan travay: lè antre ak lè sòti, epi pozisyon GPS sèlman nan moman pwentaj la, e sèlman si biznis la aktive « zòn otorize » a.
• Konje, orè, fòmasyon, evalyasyon ak fidbak.
• Rekritman: aplikasyon, CV (lyen), repons fòm, antrevi, pwopozisyon travay.
• Done teknik: adrès IP, kalite aparèy, dat koneksyon, aksyon enpòtan nan jounal odit la.

3. Poukisa nou trete yo

• Pou fè sèvis la mache (pewòl, konje, prezans, rekritman…).
• Pou sekirite: anpeche moun antre nan kont lòt moun, epi konnen kiyès ki fè kisa.
• Pou ede biznis la respekte obligasyon legal li (fiskal, sosyal, travay).
• Pou voye imel ki nesesè (lyen pou chanje modpas, verifye imel, pwopozisyon travay).

Nou pa vann done pèsonèl. Nou pa sèvi ak yo pou piblisite.

4. Kiyès ki ka wè yo

• Nan yon biznis: chak moun wè sa wòl li pèmèt (anplwaye: pwòp dosye pa l; manadjè: ekip li; HR ak administratè: tout biznis la). Lè yon moun gade done sansib (NIF, kont labank), sa ekri nan jounal odit la.
• Yon biznis pa janm wè done yon lòt biznis.
• Sèvis nou sèvi pou fè KONMBIT mache: Render (sèvè ak baz done), [founisè imel la], [Sentry — siveyans erè, si nou itilize l].
• Otorite piblik yo, sèlman si lalwa oblije nou.

5. Kote done yo ye

Sèvè a ak baz done a nan yon sant done Render nan Virginia, Etazini. [AVOKA: tèks sou transfè done andeyò Ayiti.]

6. Kijan nou pwoteje yo

• Tout koneksyon chifre (HTTPS).
• NIF/CIN, nimewo kont labank, nimewo MonCash/NatCash ak sekrè 2FA yo chifre nan baz done a.
• Modpas yo pa janm sere jan yo tape yo (bcrypt).
• Verifikasyon an 2 etap obligatwa pou administratè ak HR.
• Kont la bloke pou yon ti tan apre plizyè move esè.
• Kopi sekirite chak jou, chifre.

7. Konbyen tan nou kenbe yo

• Pandan kont biznis la aktif.
• Apre yon biznis fèmen kont li: [X] jou pou l telechaje done l, epi nou efase yo, eksepte sa lalwa oblije kenbe.
• Dosye pewòl ak fich peye: [X ane — AVOKA/KONTAB: delè konsèvasyon fiskal ak sosyal].
• Esè koneksyon: 2 jou. Jounal odit: [X].

8. Dwa ou

Ou ka mande pou wè, korije oswa efase done ou, nan limit lalwa (egz: dosye pewòl biznis la oblije kenbe).

• Anplwaye: pale ak HR biznis ou a an premye. Ou ka korije kontak ou yo ou menm nan « Dosye mwen ».
• Kandida: ekri nou nan kontak@konmbit.com.

N ap reponn nan [30] jou.

9. Fwit done

Si yon fwit done rive, n ap avèti biznis yo konsène yo nan [72 èdtan] apre nou dekouvri l, ak sa nou konnen ak sa nou fè. [AVOKA: obligasyon legal, si genyen.]

10. Timoun

KONMBIT pa fèt pou moun ki gen mwens pase [16] an.

11. Chanjman ak kontak

Nou ka chanje politik sa a. Chak vèsyon gen yon nimewo (anlè paj la). Pou nenpòt kesyon: kontak@konmbit.com.